“Këto vajza e gra, janë bërë bashkë në faqet e këtij libri, kanë bashkuar emrin e historinë e tyre, për të frymëzuar këdo që kalon këto rreshta nëpër duar.”
Njëmbëdhjetë vite pas librit të parë, autorja dhe opinionistja Neda Balluku ka hapur një dritare të re për fëmijët dhe adoleshentët, me botimin e ri që na fton të njihemi me “të parat tona”.
Gjashtëmbëdhjetë gra shqiptare që kanë shkruar historinë e tyre dhe janë bërë pjesë e historisë sonë. Gjashtëmbëdhjetë gra që thyen çdo barrierë dhe u bënë vetja. Publicistika “Të parat” e Neda Ballukut i drejtohet çdo vajze dhe djali që meriton të dijë cilat janë TË PARAT dhe të bëhen versioni më i mirë i vetes së tyre.
Ky libër do të qëndrojë në stendën “Botime Dudaj” nga sot (15 Nëntor) deri më datë 19 Nëntor, në Panairin e Librit. Më pas, do të mund ta gjeni në çdo librari të vendit.
View this post on Instagram
“Kjo grua quhet Sabiha Kasimati. Ka ndërruar jetë vetëm 39 vjeç. Është shkencëtarja e parë shqiptare grua. Ihtologia e parë shqiptare. Një moment të karrierës publikoi studimin e saj për gjallesat e ujërave shqiptare. I hoqën autorësinë dhe publikimit i vunë emrin e tre studiuesve të tjerë. Burra. Ishte rebele dhe mendjehapur. Sabihanë e vranë. Bashkë me intelektualë të tjerë të vendit tonë.”
View this post on Instagram
Me njërën prej tyre u njohët paksa, të tjerat presin t’i zbuloni në librin “Të parat”. Shtojani këtë vlerë biblikotekës tuaj!
