Futbollisti i mirënjohur Taulant Xhaka i është nënshtruar së fundmi një operacioni, ndërsa këtë lajm e ka bërë të ditur vetë ai.
Xhaka ka ndarë një foto nga dhoma e spitalit, duke merakosur fansat e tij. Mirëpo, futbollisti është munduar t’i qetësojë duke treguar se operacioni kishte përfunduar me sukses dhe gjithçka kishte shkuar mirë.
“Operacioni shkoi mirë. Faleminderit për mesazhet. Do kthehem më i fortë”, ka shkruar Taulanti krahas postimit.
View this post on Instagram
Mirëpo, futbollisti nuk e ka treguar për çfarë operacioni bëhej fjalë, ndërkohë që ka marrë edhe mbështetjen e madhe e urimet e ngrohta të ndjekësve të tij.
Në muajin mars të vitit që lamë pas, Taulant Xhaka u bë baba për herë të parë.
Në jetë ka ardhur një vogëlush, të cilin çifti e ka pagëzuar me emrin Klevis.
Lajmin e bukur e ka bërë të ditur vetë futbollisti nëpërmjet një postimi në Instagram ku zbulon edhe foton e shkrepur në maternitet.
“Mirë se erdhe engjëlli im i vogël. Mami dhe babi të duan në pafundësi”, shkruante futbollisti në foton e ëmbël.
View this post on Instagram
Kujtojmë se Taulanti dhe Arbnora u celebruan në janar të vitit që lamë pas, 7 muaj pas propozimit romantik.
