Një muaj tjetër i vjen fundi, një herë tjetër thatë se do të mbledhësh para dhe nuk e bëre. E keqja është se tani mund të jeni duke numëruar mbrapsht sekondat derisa të paguheni. E mira është se fundi i botës nuk ka ardhur dhe ne jemi këtu për t’ju dhënë disa ide, për të bërë kursime pa humbur asgjë.
Nga kafeja e përditshme, tek ato dhuratat e vogla që i bëni vetes sepse e meritoni, shikoni se çfarë mund të ndryshoni që maji të jetë i mirë për financat tuaja, pavarësisht se çfarë thonë shenjat.
Reduktoni pirjen e duhanit
Mirë, ndoshta jo këshilla më e lehtë në botë, por funksionon. Mendoni se si, në vend që të paguani rreth 5 mijë lekë për një paketë cigare, ose mund t’i lini mënjanë, ose të merrni 2 kafe nga jashtë dhe të mbeteni 1 mijë lekë, e vërteta është se do të shihni menjëherë një ndryshim. Do të përfitoni edhe shëndetin tuaj.
Mos porositni kaq shumë kafe
Po, nuk ka asgjë si ekspresi i mëngjesit ‘freddo’ që e bën vendin tuaj të preferuar kaq të mirë. Edhe në asnjë rrethanë nuk do t’ju themi që ta privoni veten nga kjo. Ne do të sugjeronim, megjithatë, që të qëndroni në një dhe të mos porosisni tre të tjera gjatë ditës.
Merrni një vakt nga shtëpia
Klishe, e trishtueshme nëse nuk gatuan mirë, por shpëtimtari është një vakt në zyrën tuaj. Gjithçka që ju nevojitet për të shpenzuar më pak para. Kushton më pak se porositja e drekës, është padyshim më e shëndetshme dhe do ta bëni zakon.
Mos i bëni vetes kaq shumë dhurata
Është vërtet bukur të bësh disa dhurata herë pas here, sepse ne i meritojmë ato. Tani, nëse e bëni këtë çdo ditë, do të mbeteni pa para në fund të muajit dhe kjo është diçka që definitivisht nuk e meritoni. Mund ta kufizoni në një herë në javë.
