Viti 2015 ka qenë një kthesë e fuqishme në karrierën e Era Istrefit, pasi është marrë nën menaxhim nga Faton Shoshi, partneri i saj aktual dhe është bërë pjesë e Ultra Music.
Në një intervistë për Prive, Era Istrefi foli me superlativa për punën e tij, që nuk i është ndarë për asnjë moment gjatë këtij rrugëtimi të vrullshëm.
“Puna e tij nuk është pare fizikisht, por është metaforikisht, si motori i makinës që nuk shihet, por bën punën më të madhe, për të cilën jam tepër falënderuese,” përfundoi Era.
Era dhe menaxheri i saj janë kudo bashkë, një fakt që dëshmohet dhe me fotot e publikuara në rrjete sociale. Ky afrimitet mes tyre ka ngritur zërat se mund të ketë diçka më shumë se thjesht marrëdhënie profesionale, por asnjë prej të dyve nuk ka komentuar rreth këtyre spekulimeve.
Në një foto të publikuar pak ditë më parë, Faton Shoshi ka treguar një makinë të tipit Rolls Royce në targat e së cilës lexohej emri i Erës, duke bërë të gjithë të mendojnë se kjo është dhurata e tij për këngëtaren. Dhe nëse kjo nuk tregon diçka më shumë se shoqëri, nuk e dimë çfarë emri t’i vendosim.
