Zonja e Parë Melania Trump udhëtoi drejt Teksasit për të takuar fëmijët e emigrantëve që po mbahen larg prindërve, mirëpo sytë e të gjithëve ishin tek veshja e saj.
Në fotot e publikuar, Melanie shfaqej duke ngjitur shkallët e avjonit dhe mbishkrimi nuk lexohej dot qartazi. Mirëpo Dailymail ka zbardhur se çfarë shkruhet pas xhaketës jeshile të Zarës (që kushton 39 dollarë).
“Mua nuk më intereson fare, po ty?” – shkruhej në xhaketën e veshur pikërisht në ditën që vendosi të vizitojë fëmijët. Kaq mjaftoi që fansat të kryqëzonin Zonjën e Parë të Amerikës se vizita e saj është e gjitha një farsë dhe se Melanie nuk ka respektuar fëmijët e ndarë nga prindërit.
“Është thjesht një xhaketë. Nuk ka asnjë mesazh të fshehur. Shpresoj që media të mos fokusohet tek xhaketa, por tek qëllimi i vizitës.” – është shprehur zëdhënësi i Trump për “Abc News”.
Zonja e Parë, Melania Trump, vizitoi një qendër ku mbahen të ndaluar emigrantët, në kufirin mes Shteteve të Bashkuara dhe Meksikës.
“Jam këtu për të pyetur se çfarë mund të bëj për t’ju ndihmuar”, tha Zonja e Parë, që mbërriti në Teksas për të parë nga afër kushtet në të cilat mbaheshin fëmijët emigrantë, të ndarë nga prindërit.
