Ajo mori pseudonimin “Sporty Spice” për fuqinë e saj atletike dhe fizikun e tonifikuar. Dhe dy dekada pas kohës kur këndonte me grupin “Spice Girls”, Melanie Chisholm, e njohur si Mel C, tregoi se ajo akoma nuk e ka humbur talentin, ndërsa shfaqet në mënyrë sensuale për revistën “Love”.
Këngëtarja 42-vjeçare shfaqet e veshur me të brendshme dhe një top-crop, por duket sa gjysma e moshës për trupin e mrekullueshëm që zotëron. Veshur me bikini nga Melissa Odabash, muskujt e saj dalin në pah në të gjithë fizikun e saj.
Në një tjetër imazh, ylli tregon fuqinë e saj duke ngritur këmbën në ajër, e veshur me të brendshme për meshkujt nga Calvin Klein, si për të thyer tabutë.
Mel C mund të ketë ruajtur rininë e saj nga ditët e “Spice Girls”, por ajo zbulon se nuk ka asnjë pendim që ka zgjedhur të mos jetë në turneun e ribashkimit të grupit. Pas spekulimeve, Mel B, Geri Horner dhe Emma Bunton së fundmi shpallën ribashkimin e grupit me emrin GEM, pasi Mel C dhe Victoria Beckham refuzuan të ishin pjesë e turneut.
“Pjesa më e vështirë për mua ishte t’i zhgënjeja njerëzit, vajzat, fansat, popullatën?! Fatkeqësisht ndjeja se diçka nuk shkonte dhe duhet të ndiqja instinktin tim”, shkruan ajo në një ese për “Love”.
Mel C pyet se pse kaq të famshëm i rikthehen muzikës, pasi i kanë kthyer asaj kurrizin, duke shtuar se disa gjëra më mirë të lihen në të shkuarën: “A është ndonjë rregull i ri që grupet duhet të reformohen? Pse mos të kujtohemi për arritjet tona të mrekullueshme në të ’90-tat?”.
Këngëtarja, e cila u rikthye në turneun e “Spice Girls” në 2007-n pas ndarjes së tyre në 2000-shin, pranoi se ajo e dëshiroi ribashkimin për të performuar në ceremoninë e hapjes së Lojërave Olimpike në Londër: “Për mua kulmi i karrierës sime te Spice ishte të shikohesha nga miliarda njerëz në mbarë globin sipër skenës në Lojërave Olimpike në Londër në 2012-n”.
*Shfleto galerinë
Burimi: Daily Mail
