Meghan Markle mund të ketë shkelur etikën mbretërore, pasi mbajti një çantë dhe jo një kuletë, siç është zakoni.
Kjo zgjedhje stili, në dukje e vogël, ka më shumë rëndësi sesa mund të mendoni.
Mbretëresha dhe Dukesha e Kembrixhit janë parë shpesh me kuleta ose çanta të vogla, të cilat i mbajnë me të dyja duart, për të shmangur shtrëngimin e duarve me njerëzit.
Markle, për daljen e saj të parë zyrtare pas fejesës me Princin Harry, mbante një çantë të madhe vishnje dhe blu nga marka skoceze “Strathberry”, e cila ka dhe detajin e rripit të gjatë. Ajo vendosi që t’i shtrëngonte duart me njerëzit e buzëqeshur.
Menjëherë pasi aktorja u shfaq me të, çanta u shit në moment.
“Dukesha e Kembrixhit mund të preferojë që të mos shtrëngojë duart me njerëz të caktuar, por ka mënyra të tjera për ta arritur këtë, sesa të mbash një kuletë në vend të një çante me rrip. Është protokolli që thotë se nuk duhet t’ia japësh dorën asnjë anëtari të familjes mbretërore, nëse ata nuk ta shtrijnë dorën e tyre të parën”, tha eksperti i mirësjelljes William Hanson, në janar të këtij viti.
Burimi: Harper’s Bazaar
