Meghan Markle dhe Princ Harry po bëhen prindër për herë të dytë.
Bebushi numër dy është rrugës dhe Archie do të bëhet së shpejti vëlla i madh. Meghan dhe Harry e njoftuan lajmin e tyre të shtatzënisë përmes një fotografie bardhë e zi, ku Meghan shfaqet e shtrirë në prehrin e Harry-t. Dukesha e Sussex-it mbante veshur një fustan nga Carolina Herrera, i cili është qepur posaçërisht për të gjatë kohës që ishte shtatzënë me Archie-n.
View this post on Instagram
Ata do të bëhen me vajzë, ndërsa mediat e huaja bëjnë me dije se Meghan ka ndërmend ta lindë bebushen në shtëpinë e tyre në Santa Barbara.
Markle kishte planifikuar ta lindte në shtëpi edhe djalin Archie, por pasi kishte pasur ca komplikime është detyruar të dërgohet në spitalin privat të Londrës, “Portland Hospital”, për të pasur një lindje të sigurt.
Njerëzit kanë nisur të vrasin mendjen se ç’titull do të mbajë bebushi i dytë i Meghan dhe Harry-t dhe në radhë të parë fare, a do të mbajë ndonjë titull.
Sipas rregullave mbretërore, fëmijës së dytë të çiftit nuk i takon asnjë titull, vetëm nëse këttë vendim e ndryshon vetë mbretëresha.
Megjithatë, Meghan dhe Harry hoqën dorë me dëshirë të plotë nga titujt mbretërorë dhe thuhet se s’dëshirojnë asnjë titull për fëmijët e tyre, edhe nëse rregullat thonë të kundërtën.
Mbetet të presim për ta zbuluar!
