I ati i Meghan, Thomas Markle vendosi të rikthehet sërish në qendër të vëmendjes duke publikuar disa letra, të cilat ia kishte dërguar së bijës vit pas viti. Me letrat u rindezën sërish thashethemet, të cilët zbulojnë edhe bisedën e fundit mes Meghan dhe të atit. Burime për “Vanity Fair”, tregojnë se Meghan i vendosi të atit ultimatum përpara dasmës në lidhje me marrëdhënien mes tyre, kërkesë të cilën ai e injoroi.
“Meghan ia bëri të qartë se do të kishin një marrëdhënie normale nëse do të rrinte urtë. Pastër dhe qartë, ajo i kërkoi që të mos komunikojë më me mediat, ndryshe nuk do të ketë më besim tek ai” – tha burimi.
Gjë që bën shumë sens! Askush nuk do të kishte dëshirë të ishte në vend të saj në fund të fundit! Pasi “Thomas Markle” u rikthye në sensacion për mediat përgjatë gjithë dasmës mbretërore.
“Meghan i kërkoi gjithashtu që të kishin një marrëdhënie të mirë mes tyre, duhet të shkëpuste të gjitha lidhjet me pjesën tjetër të familjes, përfshirë të motrën Samantha. Por ai e kishte shumë të vështirë ta bënte këtë gjë, sepse edhe Samantha është vajza e tij ashtu si edhe Meghan. Thomas nuk ka sesi të komunikojë më me Meghan dhe i drejtohet shtypit për të kapur vëmendjen e saj” – vijoi burimi.
Mesa duket, gjithë telenovela do të vijojë gjatë sepse as Meghan e as Thomas nuk kanë ndërmend të zbusin gjakrat!
