Një like (pëlqim) ose një follow në Instagram, mund të thotë shumë gjëra por edhe mund të mos thotë asgjë në këtë botë të madhe të mediave sociale në të cilën jetojmë!
E themi këtë pasi së fundi, mediat në Kosovë mendojnë se Mozzik ia ka vënë syrin një ndër vajzave më simpatike të ekranit shqiptar, moderatores Kiara Tito.
Fakti që reperi shqiptar ka pëlqyer fotot e Kiarës, është përkthyer nga shumë media si një interes i shfaqur nga Mozzik, tani që historia e tij me Loredanën ka marrë fund për të.
Mozzik tha për herë të parë në NIN, se ishte ai që e mori vendimin për t’u ndarë dhe tregoi se nuk ka ndërmend të kthehet më me ish-partneren e tij.
“Nuk jena mo. Edhe s’kthehet kurgjo mo. Ishim dikur nuk jemi mo”- tha Mozzik duke i dhënë fund kësaj teme.
Nga ana tjetër Kiara Tito e ka theksuar në intervistat e saj se është single, që pas zërave për një lidhje me Butrint Imerin.
Megjithëse, edhe pse të dy njihen si single, pëlqimet në fotot e tyre dhe fakti që janë emra të njohur në showbiz, nuk na thonë ende asgjë për diçka rozë mes dyshes!
