Këngëtari Sabri Fejzulla është bërë dje i vdekur nga mediat online kosovare. Sipas tyre këngëtari ka pësuar një aksident automobilistik dhe është ndarë nga jeta.
Ky lajm ka alarmuar familjen Fejzulla. Miq dhe fansa të shumtë të Sabriut kanë kontatuar familjen për t’i uruar ngushëllime.
Të shqetësuara për këtë lajm të rrejshëm kanë reaguar nusja dhe vajza e Sabri Fejzullahut. Me një postim shpërthyes bashkëshortja e Ermal Fejzullahut tregon se në çfarë vendi të tmerrshëm jetojmë, ku për disa klikime më tepër mediat të vdesin dhe të ngjallin.
“Nuk e kuptova në çfarë vendi të tmerrshëm jetojmë, ku gazetarët e portalet janë ato që përcaktojnë çfarë Zoti s’e ka bërë akoma. Sot u mbusha nga mesazhe të ndryshme duke më thënë ‘ngushëllime për Sabriun’. Gazetarë, që për disa klikime shpifin gjëra që s’janë të vërteta.”: shkruan në Instagram Ariana, bashkëshortja e Ermalit.
Nëpërmjet këtij postimi Ariana na njofton se vjehrri i saj gëzon shëndet të plotë.
“Desha vetëm t’ju tregoj se i madhi Sabri Fejzullahu është shumë mirë dhe vazhdon të mbajë veten në formë siç ka bërë çdo herë. Më vjen shumë keq që duhet të turpërohemi kaq shumë nga njerëz që për përfitime personale urojnë gjëra të tmerrshme për dikë tjetër. Me respekt A. Fejzullahu.” – shkruan Ariana në Instagram,
I menjëhershëm ka qenë edhe reagimi i vajzës së Sabriut, Bulza Fejzullahu, e cila është tronditur kur ka lexuar lajmet.
“E unë që jetoj me mijëra kilometra larg familjes, si e përjetoj këtë lajm idiotesk. Turp t’ju vijë që shpifni një lajm të kobshëm për diçka totalisht të pavërtetë”- shkruan Bulza në Instagram.
