Edhe reperi i njohur shqiptar Noizy, ka reaguar mbi ngjarjen e rëndë që ka ndodhur në bregun e Potamit në Himarë, ku humbi jetën në mënyrë tragjike nga një mjet lundrimi i dalë jashtë kontrollit, vajza 7 vjeçare lindur e rritur në Angli. Ata kishin ardhur në Shqipëri për pushimet verore, ku humbën edhe vajzën e tyre të vogël para syve.
Në një story të publikuar në faqen e tij, Noizy është shprehur me dhimbje të thellë për vajzën e cila humbi jetën, ku shprehet “Po ti ça faji pate o dritë”.
Kujtojmë se personazhe të tjerë publikë nga bota e medias dhe e artit kanë reaguar gjithashtu për ngjarjen e rëndë në Potam të Himarës.
Moderatorja Einxhel Shkira ka reaguar në faqen e saj të instagramit, ku shprehet e revoltuar “Shkofshi pas diellit me gjithë detin tonë të mirë, me gjithë shezllonat luksoze, me gjithë krudot e shampanjat që i tregojmë botës, kur s’po mbrojmë dot fëmijët as në breg të detit! Meritoni fjalë më të rënda por… kjo s’do e kthejë pas engjëllin që morët sot nga familja e vet dhe s’e shëron dot plagën që ia keni hapur më të thellë se vetë deti”.
Donald Veshaj, përmes një video të postuar në instagram, i bën thirrje qeverisë që të ndërtojë ngritjen e një sistemi për mjetet ujore. Ai shprehet “Bëni një sistem molesh siç e ka gjithë bota. Për çfarë jeni aty? Nuk e kuptoj. Pse nuk kemi pushues? Pse nuk funksionon te ne turizmi? Sepse nuk e marrin rëndësinë këto gjëra, e marrin lejet e ndërtimit në jug, tokat”.
Kujtojmë që edhe personazhe të tjerë reaguan në faqet e tyre të rrjeteve sociale.
View this post on Instagram
