Anne Hathaway është një nga aktoret më të njohura të “Hollywood”-it, por pavarësisht se është mjaft e famshme duket se edhe ajo ka një problem me emrin e saj. E ftuar së fundmi në emisionin “Jimmy Fallon Show”, aktorja ka treguar se nuk i pëlqen që njerëzit t’i drejtohen me emrin e saj. Dhe e dini se cila është arsyeja? Sepse vetëm një njeri i thërret me emrin e saj dhe ajo është e ëma.
“Personi i vetëm që më thërret Anne është nëna ime dhe ajo e bën këtë gjë kur është shumë e nevrikosur me mua. Kështu që sa herë dal në publik dhe dikush më thërret me emrin tim, më duket sikur do më bërtasin”, është shprehur aktorja.
Ajo ka treguar se në moshën 14 vjeçare, kur xhiroi një reklamë, ju tregoi njerëzve se duhej ta thërrisnin sipas emrit të saj, por nuk e mendoi se gjithë jetën do i ngelej emri “Anne”.
Kështu ajo ju ka bërë thirrje njerëzve që ta thërrasin me pseudonimin e saj, Annie, ose si të duan ata përveçse me emrin e saj të vërtetë.
“Unë jam Annie. Njerëzit më quajnë Zonjusha H, njerëzit më thërrasin Hath, kështu që ndihuni të lirë, më thërrisni si të doni, por jo Anne”, është shprehur aktorja.
