Emisioni “Stop” prej dy puntatash po trajton rastin e një “shëruesi” me emrin Shefqet, i cili zgjidhte hallet e qytetarëve duke prekur burrat në pjesët intime.
Çdo mashkull që trokiste në derën e Shefqetit, nuk largohej pa i bërë “ushtrimet demonstrative” në pjesët intime, pasi përmes forcës seksuale ai arrinte të largonte forcën negative dhe sigurisht që të zgjidhte edhe problemin.
Ndiqni videon në minutën 04.47:
Pasi historia u bë publike, një tjetër “viktimë” e Shefqetit ka kontaktuar me stafin për të treguar historinë e tij, të cilën e kishte pasur shumë të vështirë ta harronte.
Isha tek ky për një eksperiencë personale që në 2005 dhe mbaruam punë për 5 minuta. Na tha do bëj ashtu, do bëj kështu. Pastaj, 5 minuta i tha mamit dil jashtë se kam punë me çunin. Dhe unë thjesht bëja punën e shoferit, duke dërguar mamin që po fliste me të për problemin tonë familjar. Dhe tha rri këtu, e më ngriti në këmbë e më tha: “Do të provoj të të paralizoj këmbë e duar ta shikosh forcën time”. Faktikisht më hyri frika dhe pastaj tha “po e shof që qenke çun i ri, po jeton në Itali, shkon pas femrave, ke epsh, ta ndal unë epshin ty”. Uli, tha, pantallonat. Më preku siç bëri të njëjtat gjëra që bëri mbrëmë.” – u shpreh denoncuesi për gazetarin Saimir Kodra.
Sakaq, për të gjitha gratë që mbërrinin në zyrën e tij, ai i përcillte vetëm me një letër në gjuhën arabe ku tregonte se përmes saj do të gjenin zgjidhje.
