Hande Erçel dhe Kerem Bursin janë bashkë! Çifti i njohur i aktorëve kanë konfirmuar para disa muajsh se janë duke jetuar një histori dashurie.
Së fundmi, aktorja ka folur për nënën e ndjerë dhe të dashurin e saj Kerem Bürsin në një intervistë për revistën “InStyle”.
Bukuroshja tha se frymëzimi i saj në jetë është e ëma, Aylin Erçel, e cila u nda nga jeta në vitin 2019 si pasojë e sëmundjes së rëndë.
“Është ajo që më ka inkurajuar gjithmonë të jem personi që dua të jem. Ajo ëhtë gjithashtu burimi im më i madh i frymëzimit. Mësova të qëndroj në këmbë, të luftoj, të dua shumë, të jap pa kushte, të punoj shumë dhe të shkëlqej ashtu siç punoj. Për ta bërë atë gjithmonë krenare.”, u shpreh Hande.
Për kuriozitetin e të gjithëve, Hande foli dhe për aktorin Kerem Bursin, me të cilin u njoh në xhirimet e serialit Sen Çal Kapımı, ku luanin rolet kryesore.
“Pasi kaluam pjesën më të madhe të kohës bashkë, personi që më njihte më shumë dhe më kuptonte më mirë ishte Keremi”, tha ajo.
Kujtojmë se dyshja e konfirmuan lidhjen disa muaj më parë.
Kerem-i publikoi në Instagram një foto, në të cilën shihej brenda një kanoe së bashku me Hande-n. Të dy ata dukej se po e shijonin në maksimum këtë moment dhe aktori i famshëm konfirmoi se ishin vetëm për vetëm në ishull.
View this post on Instagram
Të njëjtën gjë ka bërë edhe Hande, pasi ka ndarë në Instagram foto me Kerem-in.
View this post on Instagram
