Një tjetër ngjarje e rëndë ka tronditur vendin. Rafije Abedini është gjetur e vdekur këtë të hënë në banesën e saj në zonën e “21 Dhjetorit” në Tiranë. Raportohet se në fytyrë ajo ka pasur shenja gërvishtjeje.
Policia ka nisur hetimet në lidhje me ngjarjen e rëndë dhe për të zbuluar shkakun e vdekjes së gruas.
Sakaq, mesditën e sotme në Lezhë djali ka vrarë më thikë nënën e tij në qendër të qytetit të Lezhës. Autori, i identifikuar si Arsen Dani ka vrarë me thikë të ëmën e tij, Gjylie Danin në bulevardin “Gjergj Fishta”, i cili ndodhet në qendër të qytetit.
I riu, është vënë në pranga nga Policia e Shtetit dhe dyshohet se ai ka probleme të shëndetit mendor, ndaj edhe ka kryer aktin makabër të vrasjes me thikë të të ëmës së tij 88-vjeçare.
