Chiara Biordi është vajza 18 vjeçare në Itali që i ka mahnitur të gjithë me bukurinë, por mbi të gjitha me kurajën e madhe që ka për të sfiduar veten dhe të tjerët. Ajo ka humbur njërën këmbë në një aksident rrugor disa vete më parë, por kjo gjë nuk e ka ndaluar të punojë për të realizuar ëndrrat e saj.
Ajo ka arritur të përzgjidhet e katërta në zonën e saj në Subaico, duke u bërë pjesë e finales rajonale, që mund ta çojë atë drejt garës së madhe të “Miss Italia”.
E entuziazmuar nga kjo arritje e saj Chiara ka bërë një postim në Instagram që i ka emocionuar të gjithë.
“U ngjita në skenë me pak pasiguri. Kam luftuar për të ardhur këtu, kam luftuar kundër paragjykimeve, kundër kufijve, kundër shikimeve dhe madje kundër vetes, dhe nuk e dija se çfarë të prisja. Pastaj sfidova në këtë pasarelë dhe pashë buzëqeshjet dhe sytë kuriozë jo vetëm tek proteza ime por edhe tek unë, dëgjova duartrokitjet dhe u ndjeva më e sigurt se kurrë më parë, u mbusha me krenari dhe buzëqesha me sytë pothuajse me shkëlqim. Ishte emocionuese jashtëzakonisht emocionuese, shumë më tepër se sa prisja. Kjo është vetëm faza e parë e të gjithë udhëtimit, por ndihem krenare sikur ta kem fituar tashmë. Faleminderit të gjithëve sepse nuk ka asnjë gjë më të bukur për të konkurruar si gjithë të tjerët, pa asnjë anomali. Shkojmë në finalen rajonale.”, shkruan Chiara krahas fotos së saj.
