Ata u bënë prindër nëntë muaj më parë dhe një ndjenjë e re erdhi në jetën e çiftit.
Por Ajka duke se ka sjell një “shqetësim” mes Xhensila Myrtezajt dhe Bes Kallakut. Këngëtarja publikoi një video ku tregon se, aktori i humorit është bërë shumë xheloz dhe “fajtore” për këtë sipas tij është vogëlushja e tyre.
“Që pas lindjes së vajzës, ky djali këtu që duket i gëzuar, me humor, është bërë shumë xheloz edhe më thotë që ke filluar të mos më duash siç më ke dashur më përpara, ma ka marrë dashurinë Ajka. Por unë i them që nuk e dua dot më pak”, shprehet këngëtarja në videon e postuar në Insta Story, ndërsa në sfond nis kënga e Klajd Harunit “Nuk të dua dot më pak “.
Gjatë videos të dy shfaqen të qeshur, ndërsa duket se po udhëtojnë me makinë. Çifti deri më tani ka vendosur që mos ta publikojë imazhin e vajzës, ndërsa Xhensila pak javë më parë tregoi se i është rikthyer koncerteve.
