Ditën e sotme në Tiranë është zbuluar një bombë e Luftës së II Botërore. Bomba 500 kilogramëshe është gjendur në zonën e ish-fushës së Aviacionit. Lajmin e ka dhënë ministrja e Mbrojtjes, Olta Xhaçka, e cila është shprehur se ekipet e xhenios e kanë zhvendosur bombën në poligonin e Bizës.
Bomba është demoluar në mënyrë të kontrolluar dhe ministrja thotë se nuk ka vend për panik.
“Një bombë me peshë 500 kg, e Luftës së II Botërore, u gjet në ish-fushën e aviacionit në kryeqytet dhe djemtë tanë të xhenios e zhvendosën në poligonin e Bizës, ku u demolua në mënyrë të kontrolluar dhe plotësisht të sigurt”, ka shkruar Xhaçka.
Forcat tona xheniere, të cilat pas pak javësh festojnë 100 vjetorin e krijimit, rikonformojnë se FA janë etalon i…
Posted by Olta Xhacka on Sunday, 27 December 2020
Ndërkohë para disa muajsh një rast i ngjashëm u shënua në Frankfurt të Gjermanisë, por në ndryshim nga vendi ynë u morën masa për evakuimin e banorëve. Afërsisht 13 mijë banorë që jetonin në zonën ku u gjend bomba u larguan nga apartamentet e tyre, derisa u çaktivizua bomba dhe gjithçka ishte e sigurt. Brigada e zjarrit paralajmëroi se nëse bomba do të shpërthente mund të shkaktonte dëme të mëdha dhe të ishte rrezik për jetën, ndaj banorët duhej të evakuoheshin patjetër. Ndërkohë qytetarëve shqiptarë nuk ju bënë të ditura detaje të tilla, edhe pse fatmirësisht tashmë gjithçka është në rregull.
