Vërtet thuhet se paraja është bota e një njeriu të pasur, po sa ndikon në të vërtet pasuria në lumturinë tonë?
Askush nuk zgjohet në mëngjes duke dëshiruar të jetë i varfër, ashtu siç askush nuk zgjohet duke dëshiruar të jetë i palumtur. Shpesh këto dy të fundit; lumturia dhe pasuria trazohen aq shumë me njëra-tjetrën, saqë nuk dallohet dot se cila triumfon.
Ne shpenzojmë më shumë se gjysmën e jetës sonë në punë, pra ajo që bëjmë për të fituar para, kthehet në një faktor të madh të humbjes së kohës tonë.
E çuditshmja do të ishte se të gjithë përfundojmë në të njëjtën mënyrë, por sërisht vlerësojmë anën materiale dhe monetare shumë më shumë se lumturinë shpirtërore që mund të kishim. Nëse ke lindur në një vend të Botës së Parë e ke të qartë se do të jetosh një jetë të privilegjuar ku paraja do të ndjekë lumturinë hap pas hapi.
Në botën e sotme është e lehtë të konsumohesh nga dëshira për të patur para duke menduar se kjo është ajo që do t’ju sillte edhe lumturinë. Studimet tregojnë se edhe njerëzit e pasur nuk janë tw lumtur.
Atëherë kush do të vinte e para? Në një studim të vitit 2013 me anë të lojës “Monopoly” u zbulua se njerëzit që kishin më shumë para gjatë lojës, ishin ata më të stresuarit dhe kishin tendencën të bëheshin nervozë shumë shpejt.
Ashtu siç Robin Williams thotë në filmin ‘Dead Poets Society’:
‘Bota njerëzore është e mbushur me pasion. Ligji, bizneset, inxhinieria; këto janë gjëra që ndiqen për të mbijetuar. Poezia, bukuria, romanca, dashuria; këto janë gjërat për të cilat ne në të vërtet jetojmë.’
Ne besojmë se kur vjen fjala tek pasuria, “më pak”, gjithmonë do të thotë “më shumë”.
Burimi Elite Daily.
