Nëse ka pasur një fjalë që është përdorur më shumë këtë vit ishte ajo e “dasmave” apo “martesave”. Që në nisje të vitit 2017 të gjithë nisën të flisnin se kur do të martohej një çift apo një tjetër, duke marrë parasysh edhe traditën, që data e dasmës caktohet një vit më parë.
Pavarësisht se mund të ishte një vendim i momentit si rasti i Angela Martinit apo i menduar gjatë, celebrimi i dashurisë mbetet një moment unik për secilin prej këtyre personazheve të njohur shqiptarë.
Nuk ka rëndësi vendi, zbukurimet apo shpenzimet, përsa kohë që ke në krah personin e zemrës. Por shumë prej të famshmëve shqiptarë i dhanë rëndësi dukjes.
Ne në “iconstyle.al” vendosëm të bëjmë një rikthim në kohë për 12 muajt e këtij viti me ata që bënë apo nuk bënë dasmë, por hynë në listën tonë të martesave të bujshme.
Janar
Tuna bën celebrimin me Patrisin
Këngëtarja e njohur shqiptare, Altuna Sejdiu u kurorëzua më 11 janar të 2017-s me Patrisin. Për veshjen e saj, Tuna zgjodhi stilisten Vjollca Llapashtica. Martesa ishite një festim vetëm me njerëzit e zemrës, ndërsa çifti në atë kohë priste fëmijën e tyre të parë.
Shkurt
Dasma e Almedës me aktorin turk
Një ceremoni elegante martese në tarracën e një hoteli luksoz në Los Angeles, tërhoqi vëmendjen e të gjitha mediave turke dhe shqiptare më 14 shkurt të këtij vit. Ish-Missi i Shqipërisë, Almeda Abazit dhe aktorit turk, Tolgahan Sayışman, lidhën kurorë në ditën e lindjes së bukuroshes shqiptare.
Mars
Fiori Dardha, në dasmë me djalin
Moderatorja Fiori Dardha vendosi të martohej më 11 mars. Ajo ishte prej disa vitesh në bashkëjetesë me regjisorin dhe pedagogun e Akademisë së Arteve, Donard Hasani, nga e cila solli në jetë djalin e saj 5-vjeçar Abelin. Dëshira e kahershme për t’u veshur me të bardha, ishte gjithashtu një dëshirë e Abelit, për të qenë bashkëshoqërues i “princeshës” së tij në ditën e saj më të lumtur.
Prill
3 fëmijë dëshmitarë në dasmën e Dudës
Prej një kohë të gjatë ai është në një lidhje dashurie, produkt i së cilës janë edhe tre fëmijë, mirëpo vetëm më 7 prill u quajt zyrtarisht i martuar. Reperi i njohur Duda i kishte anashkaluar deri këtë vit procedurat ligjore.
Tedi Papavrami u martua në “fshehtësi” me pianisten japoneze
Violinisti shqiptar Tedi Papavrami i çuditi të gjithë, pasi vendosi një status të ri në profilin e tij në “Facebook” më 11 prill. Pak kush e ka ditur që ai kishte një histori dashurie, megjithatë, artisti vendosi të martohej. Tedi Papavrami i dha fund beqarisë në një ceremoni private martese. Vajza që i ka fituar zemrën është nga Tokio dhe është një pianiste e famshme. Ajo quhet Maki Okada dhe është mjaft e njohur në Japoni. 45-vjeçari publikoi në rrjetet sociale lajmin e martesës dhe një foto me bashkëshorten e tij.
Maj
Dasma e parë në “Big Brother”
Për herë të parë në një “reality-show”, një çift që u njoh, u dashurua dhe u martua në “Big Brother”. Danieli dhe Fotinia vendosën që të martoheshin në spektaklin ku qëndruan prej 3 muajsh. Surpriza e këtij celebrimi ishte vetë kryetari i bashkisë së Tiranës, Erion Veliaj, i cili para se të shpallte burrë edhe grua Danielin dhe Fotininë, i përgëzoi ata për kurajën dhe u kërkoi që të ishin të vërtetë edhe jashtë shtëpisë së “Big Brother”.
Dasmë në New York, Fadil Berisha martoi vajzën
Vajza e fotografit të njohur shqiptar, Fadil Berisha, i dha fund beqarisë më 21 maj. Fotografi i mirënjohur shqiptar, baba i dy fëmijëve Violet dhe Blair, festoi ceremoninë e martesës të së bijës, që është më e madhja ndër fëmijët. Berisha, i larguar në moshën 1-vjeçare nga Shqipëria, nuk e harroi traditën, duke sjellë mjaft elementë kombëtarë në ceremoninë paramartesore.
Qershor
Ylli Manjani rimartohet me partneren e 20 viteve
Ish-ministri i Drejtësisë, Ylli Manjani, është rimartuar me bashkëshorten e tij, Evën, pas 20 vitesh së bashku me 5 qershor. Çifti organizoi një festë të madhe ku mblodhën gjithë miqtë, kolegët dhe të afërmit e tyre.
Z. dhe Znj Xhaka! Martohet futbollisti shqiptar
Granit Xhaka, mesfushori i Arsenal, u martua më 5 qershor me Leonita Lekaj. Për veshjen e nuses 22-vjeçare u kujdes Valdrin Sahiti. Ndërsa dhëndri kishte thyer traditën e kostumit të errët, duke veshur një kostum blu me papjon dhe këpucë mokasine.
Korrik
Dasma magjike e Turjan Hyskës dhe Orinda Hutës
Turjan Hyska dhe Orinda Huta kurorëzuam dashurinë e tyre 10-vjeçare më 27 korrik. Momenti i altarit ishte ai më emocionuesi, një ceremoni shumë intime me praninë e rrethit më të ngushtë të familjarëve dhe miqve prej 50 vetëve. Më pas dasma vazhdoi në natyrë, më saktë në pyll të magjepsur, ku në krah të kalonte lumi Erzen në periferi të Tiranës.
Gusht
Martesa surprizë e këngëtares Ertila Koka
Lidhja e gjatë e dashurisë mes këngëtares së njohur Ertila Koka dhe Edgarit, arkitektit që jeton dhe ushtron profesionin në Milano, u celebrua në martesë me një ceremoni të veçantë e me shumë të ftuar më 4 gusht.
Elona Duro ngjitet shtatzënë në altar
Elona Duron kurorëzoi në martesë lidhjen me Lorenc Ogën më 4 gusht të këtij viti. Moderatorja vendosi ta celebronte martesën e saj në Bashkinë e Tiranës para kryebashkiakut Veliaj.
Ish-gruaja e Sajmir Çilit martohet me biznesmenin
Suela Kalaja hodhi pas krahëve historinë me ish-bashkëshortin dhe nisi një rrugëtim të bukur dashurie. Biznesmeni Arijon Abdyli duket se i ka rrëmbyer zemrën Suelës. Ai zotëron një rrjet biznesesh jo vetëm në Shqipëri, por dhe në shtetin fqinj, Itali. Ata kanë kurorëzuar dashurinë e tyre dhe pritet që Suela me të bijën të zhvendosen drejt Italisë në muajt në vijim, ku i është ofruar një vend pune në profesionin e psikologes.
Shtator
Dasma madhështore e Xhensilës dhe Besit
Një dasmë madhështore ishte ajo e Xhensila Myrtezaj dhe Bes Kallakut më 1 shtator. Çifti simpatik kishte rezervuar mjaft surpriza për të ftuarit, por më e bukur ishte surpriza që Xhensila kishte bërë për Besin. Një këngë vetëm për të që mbante titullin “E ke ti çelësin e zemrës sime” dhe që emocionoi jo vetëm Besin por të gjithë të ftuarit. Ndërsa Besi i dedikoi këngën, “Skifterja e zemrës”.
Ceremonia private e Marinës dhe Getit
U fol aq gjatë për dasmën e Xhensilës dhe Besit sa kur erdhi dita e Marinës dhe Getoarit ende shkruhej për 1 shtatorin. Këta të fundit kurorëzuar dashurinë e tyre në një ceremoni private buzë detit, të kuruar në të gjitha detajet, më 10 shtator.
Dasma e stilistit në Las Vegas
Stilisti i njohur nga Kosova, Valdrin Sahiti, i dha fund beqarisë më 29 dhjetor në Las Vegas. Nuk ishte nga ato historisë se çfarë ndodh në Las Vegas, mbetetaty, përkundrazi ishte nisja e një përkushtimi akoma më të madh për bashkëshorten e tij shtatzënë, e cila do të sjellë në jetë fëmijën e tyre të parë. Valdrini Sahiti dhe Edita Ramadani zgjodhën një ceremoni, larg vëmendjes së publikut dhe vetëm me njerëzit e tyre më të afërt.
Dasma e fundit e shtatorit
Muaji shtator u mbyll me dasmën e Besnik Qakës! Këngëtari zgjodhi ditën e fundit të shtatorit për të kurorëzuar dashurinë e tij me të fejuarën, Lolita. Nusja ishte kthyer në një princeshë me fustanin e bardhë të fryrë dhe kurorën e vendosur në kokë.
Tetor
Celebrimi i bujshëm i Labinot Gashit
Dasma e moderatorit kosovar, Labinot Gashi me Qëndresën zgjati plot dy ditë, nga e diela në të hënë. Ai priti shumë personazhe publike në një nga hotelet më luksoze në Prizren.
Martohet në fshehtësi aktorja shqiptare
Aktorja e njohur e humorit, Oriana Cama që ka qenë pjesë e tre formateve të njohura, “Portokalli”, “Apartamenti 2XL” dhe së fundmi Al Pazar” është martuar në fshehtësi. Ajo i surprizoi të gjithë me lajmin se u martua në një ceremoni të fshehtë, në Itali, më 24 tetor.
Nëntor
Ish-gruaja e Armir Shkurtit, martohet me ish-deputetin e PS-së
Psikologia dhe folësja e lajmeve, Jeta Toçila lidhi kurorë me ish-deputetin e Partisë Socialiste, Taulant Dedeja. Taulanti dhe Jeta kanë qenë të martuar më parë, por prej disa vitesh i kanë prishur martesat përkatëse, nga të cilat kanë edhe fëmijë.
Dhjetor
Martesa e papritur e Angela Martinit me miliarderin rumun
Angela Martini dhe partneri i saj njoftuan dje se sapo ishin martuar një natë më parë, pra më 11 dhjetor. Ishte fillimisht miliarderi rumun, Dragos Savulescu, ai i cili njoftoi përmes një postimi se tashmë çifti ishin zyrtarisht burrë dhe grua. Çifti ka disa kohë që jetojnë bashkë, janë mëse të lumtur dhe duket se janë mjaft të “çmendur”.
