Ish-kryeministri i Kosovës, Ramush Haradinaj, ka kujtuar ditën e sotme të vëllain e ndjerë Luanin, i cili u vra gjatë luftës dhe sot duhet të kishte mbushur 47 vite.
Ai ka ndarë në rrjete sociale një foto të vjetër me Luanin, teksa i shpreh fjalët prekëse dhe tregon sa shumë i mungon.
Megjithëse do të mbushte 47 vjeç, për Ramushin ai do të mbetet gjithmonë 23, mosha në lule të rinisë kur humbi edhe jetën dhe ra dëshmor.
Luan, neve po na ikin vitet, e ti mbete i ri përgjithmonë.
Linde dyzeteshtatë vite më parë, por për ne, mbetesh përherë njëzetetre vjeç, ashtu siç ke rënë për lirinë tonë. Urime vëlla, 23-vjetori i lindjes!- shkruan Haradinaj.
View this post on Instagram
Familja e tyre i ka dhënë jo pak Kosovës në luftën e saj për liri, madje në radhët e UÇK-së ka edhe dëshmorë pikërisht nga kjo familje.
