Pas dy vitesh mungesë në ekran, Marina Vjollca u rikthye në “Tv Klan” dhe shkëlqeu mbrëmë gjatë moderimit të “Klanifornia Show”.
Prej kohësh po përflitej se për shkak të rikthimit të saj, marrëdhëniet mes Marinës dhe Getoarit ishin prishur, pasi reperi nuk e dëshironte këtë gjë.
Mirëpo, njëherë e mirë Getoari i mbylli gojën të gjithëve, duke publikuar një foto të Marinës nga nata e mbrëmshme, e cila intervistoi të ftuarin special të mbrëmjes, Majkun.
“Krenar”- shkruan reperi krahas fotos së bashkëshortes dhe mikut të tij më të mirë, duke lënë të kuptohet se i ka pëlqyer gjithçka nga puntata e parë e emisionit dhe është krenar për rikthimin e bashkëshortes së tij.
Në postimin e partnerit, Marina ka komentuar tre zemra të kuqe, shenjë që tregon se asnjë aludim për ndarjen e çiftit nuk është i vërtetë.
Ata janë mbështetësit më të mëdhenj të njëri-tjetrit jo vetëm në jetën e përditshme, por edhe në karrierë.
