Këngëtari i njohur shqiptar, Kelly zbuloi pak ditë më parë se do të bëhej baba. I ftuar në programin “E Diela Shqiptare”, Kelly mësoi se partnerja e tij Enisa ishte shtazënë.
Ai lançoi këngën e tij më të fundit “Kur ti buzëqesh” në Këngën Magjike dedikuar bashkëshortes së tij. Kënga u prit mjaft mirë nga publiku shqiptar.
I ftuar në emisionin “Ditë e re”, Kelly ka folur sesi e ka njohur Enisën. Ai është shprehur se bashkëshorten e tij, me të cilën po pret një fëmijë, e ka njohur në ditëlindjen e saj.
“Ka qenë ditëlindja e saj. Në një ambient ku unë isha pronar dhe aty e njoha. Shiheshim shpesh. Aty ndodhi shkëndija dhe më pas filluan që të njiheshim.”
Për të kjo ka qenë një dashuri me shikim të parë
“Ka qenë një mbrëmje shumë e lezetshme. Për ta respektuar meqenëse kishte ditëlindjen, i dërgova dy tabaka me shotsa dhe ajo mendoi se isha kamerieri. Më vonë dal këndoj dhe më pyet çfarë je ti kamerier, këngëtar?”
Përsa i përket projekteve muzikore Kelly sapo është rikthyer në tregun muzikor dhe ka publikuar së fundmi këngën “One Night Stand.” Me muzikë dhe tekst të realizuar nga vetë këngëtari.
Projekti i tij më i fundit do të publikohet në dhjetor.
