Për shkak të pandemisë Covid-19, festivali i famshëm ndërkombëtar “Eurovision” u shty, për të parandaluar përhapjen e mëtejshme të virusit.
Arilena Ara duhej të përfaqësonte Shqipërinë këtë vit në “Eurovision”, por situata me koronavirusin bëri që organizatorët të shtyjnë mbajtjen e festivalit në Rotterdam, që ishte parashikuar në maj.
Festivali do të mbahet në të njëjtin vend, një vit më pas, ndërsa është vendosur edhe data përfundimtare.
Është konfirmuar se dy gjysmëfinalet do të zhvillohen në 18 maj dhe 20 maj dhe finalja e madje në 22 maj 2021.
Festivali do të mbahet në Ahoy në Rotterdam, siç ishte parashikuar për këtë vit.
Shqipëria ende nuk e ka marrë vendimin nëse Arilena do të na përfaqësojë në “Eurovision 2021”.
