Koreografi Albi Nako është një ndër personazhet më të komentuara të showbiz-it shqiptar që pas divorcit të tij me balerinën Klaudia Pepa.
Në pamje të parë Albit të lë përshtypjen e një njeriu serioz dhe hije rëndë, por në të vërtetë ka treguar se është shumë ndryshe nga sa ne arrijmë ta perceptojmë. Batutat e tij në “Dance with me” i bëjnë të gjithë për të qeshur.
Dje koreografi i njohur i ka habitur fansat me një foto që ka postuar në “Instagram”. Në këtë foto shihet se Albin po e telefonon Presidenti i SHBA-së Donald Trump.
“Më në fund”, ka shkruar Albi sipër fotos që ka postuar në “Instastory” duke e shoqëruar me disa emoji me zemra.
Nuk dihet se kush fshihet pas kësaj telefonate, por me sa duket Albi e ka gjetur mënyrën se si ta plotësojë dëshirën e tij për një komunikim me Trump.
