Aktorja e “Games of Thrones”, Natalie Dormer është bërë nënë që në janar të këtij viti por e ka mbajtur të fshehtë.
Ardhja në jetë e së bijës, shkruan “E! Online”, e ka ndryshuar shumë dhe pse ajo shprehet se e ka nënvlerësuar faktin e të qenit nënë.
“Unë kurrë nuk do të ankohem më për orët e zgjatura të xhirimeve, sepse privimi i gjumit është diçka tjetër. Unë e nënvlerësova plotësisht atë ”- tha Natalie.
Ndërsa ka theksuar se është e dashuruar marrëzisht me vajzën e saj, Natalie nuk na ka zbuluar asnjë detaj tjetër për vajzën, madje as emrin e saj.
Aktorja ka shtuar se është aq e lidhur me vajzën saqë thotë se “do ta ketë shumë të vështirë” të kthehet në punë kur teatrot në Londër të rihapen.
Për më tepër, Natalie tha se për të kaluar të gjithë ditën me vajzën ajo mund të punojë gjithë natën pasi e vlerëson shumë punën në skenë.
Natalie dhe bashkëshorti i saj, David Oakes u takuan për herë të parë në vitin 2019 gjatë xhirimeve të “Venus in Fur”.
Ndërsa më parë Natalie ka qenë e lidhur me regjisorin Anthony Byrne për 11 vjet, por i dha fund fejesës në 2018-ën.
