Taylor Swift ka postuar një letër shumë private në mediat sociale ditën e sotme.
Letra e shkruar me shkrim dore dhe me ngjitës qenushi në pjesën e prapme të zarfit ishte dërguar nga “ish – armikja” e saj Katy Perry, e cila kërkonte ndjesë ndaj Taylor për të gjitha vitet që kanë qëndruar pa folur.
Swift, e cila po përgatitet për turneun e saj shkruante mbi foto ku dukej një pjesë e shkrimit të letrës: “Faleminderit Katy” dhe e shoqëronte me zemra rozë.
Duket mjaft e vështirë për të deshifruar atë çfarë Perry i shkruan Swift, por sipas “Daily Mail” letra shkruan:”Po reflektoj mbi keqkomunikimin tonë dhe ndjenjat mes nesh … do të doja të pastronim komunikimin … më vjen thellësisht keq”.
Kjo letër nga këngëtarja e hitit “ Swish swish” i dërgohet asaj pothuajse një vit pasi Perry deklaroi se donte të përfundonte grindjet e tyre.
Dy këngëtaret janë përfshirë në një grindje që kur Taylor pretendoi se Katy i vodhi asaj tre nga kërcimtarët mbështetës në turneun që ajo zhvillonte në vitin 2012.
Në vitin 2014, Taylor nxorri këngën “Bad Blood”, e cila besohet të jetë në lidhje me grindjen e saj me Katy-n për t’u hakmarrë ndaj saj.
Pas kësaj Katy tha se donte të fliste me yllin e “Look what you made me do”, por ajo nuk kishte pranuar.
Dhe tani Katy nuk dëshiron të mbajë inate me Taylor, pasi ajo beson se gratë duhet të jenë së bashku për të ‘shëruar botën’.
Ndërkohë Taylor vazhdon të jetë në sherr me Kanye West dhe Kim Kardashian.
