Ka muaj tashmë që Kim shfaqet me flokët e saj super të gjata që i kalojnë të pasmet me gjatësi!
Dhe ja më në fund, Kim Kardashian na tregoi modelin e saj të ri të prerjes së flokëve bob, gjatë një shëtitje në Calabasas të martën.
Ndryshe nga sa e kemi parë kohët e fundit, flokët e Kim ishin aq të shkurtra saqë nuk arrinin të preknin supet e saj.
Bukuroshja 38-vjeçare ishte veshur shumë sportive dhe dukej tepër në formë për të qenë nënë e katër fëmijëve.
Ajo ka vetëm pak javë që është bërë nënë për herë të katërt e një djali, që e ka pagëzuar me emrin Psalm, një emër fetar.
Sikur të mos mjaftonte, Kim kishte veshur me një palë tuta që tregojnë devotshmërinë e saj ndaj Zotit:
“Beso në Zot”, shkruhej në to dhe nuk është aspak çudi duke qenë se Kim dhe Kanye West janë tepër të lidhur me fenë dhe meshat që organizojnë çdo të diel.
