Nëse po vijoni të kërkoni nëpër Tiranë tregjet e vogla të rrobave të përdorura që një ditë thjesht u zhdukën si me magji, tani kemi në përgjigje të saktë për ju! Është hapur sot në kryeqytet, tregu i parë nga Bashkia për rrobat e përdorura.
Tregu ndodhet në Shkozë dhe përpos të tjerave ka për qëllim nxitjen e vetëpunësimit dhe tregtinë e komunitetit rom apo egjiptian.
Kryetari i Bashkisë Erion Veliaj theksoi se ky treg i jep dinjitet tregtisë së një komuniteti që ka shoqëruar zhvillimin e shoqërisë shqiptare në vitet e tranzicionit. Tregu ka 103 vende shitje dhe të gjithë tregtarët ambulantë, në vitin e parë të aktivitetit të tyre do të jenë të përjashtuar nga taksa e hapësirës publike.
Ky treg aktualisht është shembulli i parë sesi tregtia e rrobave të përdorura mund të bëhet me standarde dhe jo cepave, në kryqëzime apo në mes të pluhurit!
Burimi: TiranaPost
