Pak para se vajza e saj True të vinte në jetë, Khloe Kardashian mori një goditje të fortë nga partneri i saj.
Ajo mësoi që ish-partneri i saj, Tristan Thompson e kishte tradhtuar me Jordyn Woods dhe thuhet se për këtë shkak Khloe bëri lindje të parakohshme.
Asokohe, ylli Kardashian tha se nuk do e falte kurrë tradhtinë e tij, por duket se tani gjërat kanë ndryshuar.
Ata jo vetëm që takojnë prej kohësh thuajse çdo ditë për shkak të të voglës True, por edhe karantinën e kaluan së bashku.
Kjo në mënyrë që e vogla e tyre të mos ndjejë mungesën e asnjërit prej prindërve.
Gjërat shkojnë aq mirë mes tyre, sa së fundmi burime për “TMZ” kanë treguar se Khloe dhe Tristan janë shfaqur shumë të afërt me njëri-tjetrin në publik.
Ata ndodheshin në një festë ditëlindjeje dhe qëndronin gjithmonë pranë, ndërsa Tristan e kishte hedhur thuajse gjatë gjithë kohës dorën e tij mbi supin e saj.
Marrëdhënia e tyre është ende në pikëpyetje, megjithatë ky afrimitet dihet në ç’rrugë të çon.
Mesa duket, Khloe do të vërtetojë edhe njëherë shprehjen “Kurrë mos thuaj kurrë” dhe do ta falë ish-in e saj, gjë që dikur s’kishte ndërmend ta bënte.
