Mesa duket lidhja e yllit të muzikës Nick Jonas dhe aktores së famshme Pryianka Chopra po bëhet serioze. Këngëtari i “Jealous” ka ftuar së fundi yllin e filmit “Quantico” në dasmën e kushërirës së tij Rachel Tamburelli.
Fotot e çiftit që po qarkullojnë në rrjete sociale i tregojnë ata shumë të afërt dhe duke ecur të kapur për krahu teksa dilnin nga aeroporti. Pryianka kishte veshur një fustan të verdhë mjaft elegant, ndërsa Nick kishte veshur një kostum elegant blu.
Dyshja ka qëndruar gjithë fundjavën në shoqërinë e familjarëve të këngëtarit dhe më vonë janë larguar me një avion privat drejt New Jersey-t.
Dyshimet për një lidhje mes tyre kanë filluar që pasi ata u shfaqën së bashku në eventin e rëndësishëm të “Met Gala” dhe që të dy ishin të veshur nga stilisti Ralph Lauren.
