Këngëtarja Adelina Tahiri pas martesës me miliarderin maqedonas, Serjoza Markov, u përfol se është në pritje të ëmbël.
Dyshimet e para se këngëtarja është shtatzënë lindën pasi mediat kosovare publikuan një foto ku Adelina ishte parë në një nga spitalet gjinekologjike në Shkup së bashku me bashkëshortin e saj.
Pavarësisht lajmeve që qarkulluan këngëtarja vendosi të hesht, ndërsa vetëm pak ditë më parë ishte vëllai i saj, Edmondi, që postoi në “Instastory” disa veshje fëmijësh duke na lënë të kuptohet se me shumë mundësi ai së shpejti do të bëhet dajë.
Mirëpo ditën e sotme Adelina më në fund vendosi ta pranojë publikisht se është shtatzënë dhe për më tepër është në pritje të një djali. Ajo ka postuar në “Instagram” një foto ku shfaqet me disa tullumbace në dorë.
“”Është djalë”, shkruan Adelina në përshkrimin e fotos.
Këngëtarja shfaqet në formë të mirë fizike, ndërsa është kujdesur që në foton e postuar të mos e tregojë barkun.
