Lei Kraja ishte së fundmi e ftuar në emisionin “Natën me Aulonën”, ku rrëfeu një histori të frikshme të cilën nuk e kishte treguar kurrë më herët. Ajo tregoi se gjatë kohës që jetonte në New York arriti të shpëtonte nga duart e një maniaku, i cili donte ta rrëmbente.
“Kam qenë në New York dhe kam ndryshuar shumë punë. Bëja 2-3 punë. Kthehem natën vonë, kot nuk mora as taksi as uber apo tren. E kisha shumë afër shtëpinë me thënë të drejtën. Kaloj në një garazh/parking për më shkurt. As mami im nuk e di këtë sepse nuk dua të frikësohet. U ndezën disa makina, më ndoqi një person edhe më kapi për të më futur në makinë. Nuk e di si kam shpëtuar. Nuk besoj që kam vrapuar më shpejt në jetën time. Isha shumë e frikësuar, akoma më kujtohet ai moment në jetën time”, rrëfeu Lei.
Më pas e pyetur nga Aulona se si arriti të shpëtonte, ajo u përgjigj: “Shkova nëpër shkallë, u futa u fsheha. Ishte episod shumë i frikshëm sepse nuk kishte shumë njerëz nëpër rrugë”.
Moderatorja shtoi se pas kësaj ngjarjeje kishte frikë të dilte natën vetëm dhe se sot e kësaj dite mban gati një çelës me vete për t’u mbrojtur e goditur kur lëviz në mbrëmje.
