Këngëtarja Vesa Luma ka ndarë me ndjekësit e saj në ‘Instagram’ një video ku risjell në vëmendje këngën e saj të parë.
Ajo tregon me nostalgji se pas performancës qëndron i babai i saj i ndjerë. Ai është kujdesur që çdo detaj të shkojë ashtu siç duhet. Madje që atëherë të dy kishin dëshirë të eksperimentonin duke futur pak hip-pop në këngë për të ecur me hapin e kohës.
Ja çfarë shkruan ajo përkrah videos që ka postuar:
“23 vite më parë, viti 1996. Sa shumë kujtime nga kënga ime e parë. Një nga videot e rralla ku jam bashkë me babin, i cili duket teksa më shikon me vëmendje lart në skenë. Që atëherë kishim dëshirë të eksperimentonim duke futur në këngë pak ‘hip hop’ për të qenë në hap me kohën. E më e forta janë lulet që kam në dorë, kanë qenë një ndjesi mjaft e bukur. Më mungon babi”.
Çifti i këngëtarëve Vesa Luma dhe Big Basta prej disa kohësh jetojnë në Zelandën e Re. Ata janë prindër të një djali, Lian.
