Balerini Kledi Kadiu ka folur së fundmi për ftesën që ka marrë për të qenë si anëtar jurie në “Dancing With the Stars.”I ftuar në “Më Lër të flas” ai tha se fillimisht e ka marrë në telefon Bora Zemani, për t’i propozuar që të jetë kryetar jurie në spektaklin e kërcimit.
“Do kthehem për një gjë shumë të bukur, që edhe e ftuara e dytë e di shumë mirë. Jam në jurinë e DWST. Kam përgjegjësi të madhe do jem kryetar. Emocioni do jetë, sa her vij në Titanë e kam atë dashurinë për kohën që kam kaluar këtu. Kam një lloj nostalgjie dhe kjo do të jetë edhe një rikthim edhe për publikun.
Ftesa ishte shumë e papritur, erdhi telefonata. Një telefonatë e parë erdhi nga Bora ajo ma tha e para. Ajo kishte biseduar me Lorin dhe Sarën dhe më tregoi kënaqësinë që kishte dhe stafi për të më pasur si pjesë e jurisë. Unë kam 17 vjet eksperiencë sa i përket “Amici”. Eksperienca personale dhe e punës ka qenë, ne nuk kemi të bëjmë me profesionistë janë personazhe të ndryshëm. Duhet të kenë kujdes sepse zanati i baletit nuk është ta marrësh lehtë.”- u shpreh ai.
Kujtojmë se trashëgimtarja e “Top Channel” dhe producentja Lori Hoxha zbuloi disa ditë më parë takimim e parë me balerinin e njohur. Ky i fundit është konfirmuar si kryetari i jurisë në spektaklin e kërcimit “Dancing with the stars.”
Në një postim në Instastory, Hoxha ndau foton e Kledit krahas së cilës shkruan se e ka takuar për herë të parë Kledin në moshën 13-vjeçare së bashku me motrën e saj, pasi i ati i tyre i ndjerë i çonte për t’u ushtruar te akademia e tij. Producentja rrëfeu edhe një situatë të ndodhur vite më parë, ku Kledi “nuk ngurroi t’i jepte atë që për çdo balerinë është esenciale: të dali e para.”
Ajo e përfundoi statusin e saj duke falendëruar Kledin që ka pranuar ftesën (KLIKO).
