Mbase muzika e detyroi ta linte pas dore, apo planet e shumta gjatë këtyre viteve, por Eni Koçi është më e lumtura për faktin që përfundoi shkollën dhe po diplomohet!
Në InstaStory, ajo ka treguar për ndjekësit lehtësimin e madh që ka ndjerë pasi ka dorëzuar detyrën e fundit dhe “e ka hequr qafe” shkollën një herë e mirë.
“E mbarova! Mirupafshim universitet, çkemi jetë!”- shkruan ajo shumë e lumtur dhe e kuptojmë të gjithë!
Me siguri, këngëtarja do të ketë tashmë më shumë kohë për projekte të reja, pasi na ka munguar gjatë.
E pyetur më herët nga një ndjekës nëse e ka lënë muzikën, Eni i është përgjigjur kështu:
“Jo, nuk e kam lënë. Muzika është gjë shumë shpirtërore, nuk është thjesht punë. Situata aktuale ka ndikuar tek secili prej nesh në anën psikologjike dhe mendoj që çdo projekt do qetësinë e duhur për t’u punuar. Gjithashtu këtë vit diplomohem kështu që prioriteti im ka qenë universiteti”, është përgjigjur Eni Koçi.
Në prill të këtij viti, Eni dhe partneri i saj Genc Prelvukaj, bënë katër vite së bashku.
Për një kohë të gjatë çifti i njohur e mbajtën lidhjen e tyre të fshehtë, ndonëse përfliteshin prej kohësh në media. Derisa një moment ata vendosën të shfaqeshin përdore publikisht dhe t’i tregonin gjithë botës që janë bashkë.
Në 3 nëntor të 2018-s Genci i bëri një super propozim në Plavë Eni Koçit. Ndërkohë në verën e vitit të shkuar u raportua se dyshja do të martoheshin gjatë vjeshtës. Thuhej se gjithçka ishte gati dhe se festa do të ishte një ceremoni tejet private, thjesht si një simbolikë për ta pasur kujtim. Mirëpo diçka e tillë nuk ndodhi, sepse në rrjete sociale nuk pamë kurrë pamje nga martesa.
