Princ Harry dhe Meghan Markle u bënë kryefjala e mediave në mbarë botën pas kërkesës së tyre për t’u larguar nga familja mbretërore.
Ata humbën statusin mbretëror, duke mbetur thjesht Duka dhe Dukesha e Sussex, ndërsa tashmë kanë nisur edhe jetën e re në Kanada.
Burime pranë familjes mbretërore treguan se Meghan dhe Kate s’kanë folur më me njëra-tjetrën që pas largimit të çiftit drejt Kanadasë, ndërsa Meghan ndihet në qiellin e shtatë që më në fund mund të bëjë jetën që dëshiron.
Mirëpo, burime kanë treguar gjithashtu për “Dailymail” se Kate Middleton po ia ndjen mungesën kunatit të saj, Harry-t, me të cilin kishte një lidhje speciale.
Ata kuptoheshin shumë mirë bashkë dhe kalonin këndshëm në shoqërinë e njëri-tjetrit.
Megjithëse Kate i ka uruar çiftit më të mira, ajo ende nuk do që ta pranojë se kunati i saj është larguar dhe s’do të mund të kenë më të njëjtin afrimitet.
Pas largimit, burimi tregon se Kate është frikësuar se s’do mund të jetë më kurrë aq e afërt me Harry-n.
Gjithashtu, Harry rrëfeu në një fjalim prekës se nuk e ka pasur aspak të lehtë ta marrë vendimin për largimin, mirëpo qetësia e Meghan-it ishte një ndër arsyet kryesore që e shtyu të merrte këtë hap.
