Një aksident i rëndë ndodhi mbrëmjen e djeshme në Itali, ku për pasojë humbi jetën Alen Karaboja, 17-vjeç, pasi u përplas me motor mbas muri.
Prindërit e Alen janë me origjinë shqiptare, ndërsa vetë Alen ka lindur në Valcamonica.
Sipas mediave italiane, pak para se të ndodhte aksidenti tragjik, 17-vjeçari kishte qenë në një festë me miqtë e tij dhe po ashtu në motoçikletën e tij ka qenë dhe një shok i tij me origjinë marokene, i cili mbeti i plagosur.
Miqtë dhe të afërmit kanë reaguar të pikëlluar në rrjete sociale, por mesazhi më rrëqethës ishte ai i vëllait të Alen, Enio, i cili ka publikuar një foto kur kanë qenë fëmijë:
“Do të dua gjithmonë vëllai im, ti je gjysma ime tjetër dhe gjithmonë më ke mbushur zemrën me gëzim. Çdo ditë do të shikoj qiellin dhe do të përshëndes si gjithmonë. Do më mungosh, më shiko dhe më mbro nga lart, të dua”, shkruan vëllai i tij Enio në rrjetet sociale.
