Familjarët e minorenes së abuzuar në Kavajë kanë reaguar për herë të parë për mediat dhe kanë dhënë një mesazh gjatë vizitës së deputetes Elisa Spiropali në shtëpinë e tyre.
“ERT” raporton se “ata ndjehen të pambrojtur nga agresioni publik i politikës e medias dhe luten për respektimin e privatësisë së vajzës”.
Babai i 13-vjeçares nuk ia uron askujt këtë tragjedi, ndërsa bën thirrje që ta lënë ta përballoj me forcat e tij dhe njerëzit pranë.
Pjesë nga dialogu midis Spiropalit dhe familjarëve:
Babai: Kam një vajzë inteligjente dhe me kurajë që nuk mund ta përshkruaj unë si prind.
Spiropali: Ky është një mesazh për të gjithë. Këtu në këtë shpi dhe me fisnikërinë që tregoni jeni shembuj për të gjithë. Shoqëritë e qytetëruara dallohen nga mënyra se si përballen me sfidat.
Babai: I bëj thirrje mediave që nëse jemi plagosur një herë, mos më plagosni dy herë. Mos ju raftë ky rast kurrë asnjërit. Më lejoni ta përballoj me forcat e mia dhe me njerëzit.
