Prej disa javësh, në media është përfolur se aktorja e humorit dhe moderatorja e njohur, Rudina Dembacaj, është ndarë nga partneri i saj, Aleksandër Varfaj.
Prej një viti, Rudina nuk ka publikuar qoftë edhe një foto të vetme me bashkëshortin në rrjete sociale, madje gjatë intervistave i është referuar atij si “babai i Viktorias”, vajzës së tyre të vetme.
Gjatë një interviste së fundmi, Rudina u shpreh se dëshironte të fliste në një moment tjetër në lidhje me martesën e saj dhe lajmet për ndarje, mirëpo veprimi i saj i fundit duket se shpjegon shumë.
Rudina ka ripostuar në Instastory një video të bashkëshortit me Viktorian, të cilët stërviten së bashku në palestër.
Për më tepër, ajo i ka komentuar Aleksit në video, duke i bashkëngjitur edhe një zemër të kuqe.
Gjithashtu edhe Aleksi publikoi në Instastory disa ditë më parë një video të Rudinës dhe Viktorias, duke i vendosur dy zemra të kuqe.
Mesa duket, gjithçka ka qenë kalimtare, pasi aktorja dhe partneri i saj vazhdojnë të kenë marrëdhënie të mira dhe madje këtë nuk po ngurrojnë ta tregojnë edhe në publik.
