Fero duket se u është rikthyer postimeve misterioze dhe të çuditshme dhe mesa e njohim ka gati ndonjë këngë të re.
Kjo pasi çdo herë që reperi lançon projekte të reja, bën goxha marketing në rrjetet sociale, duke ngritur pikëpyetje të mëdha tek fansat.
Së fundmi, ai ka shkruar në një postim në Instagram “Sonte”, duke mos shtuar asgjë tjetër, e duke na bërë të mendojmë se po sjellë këngën e re.
Shihemi sonte në mesnatë
Më pas, ai ka postuar një status në Instastory, ku shkruan se në 4 vite që ai është pjesë e muzikës shumë persona janë munduar t’i bëjnë keq, por nuk ia kanë dalë.
Më tej, autori i hitit “Gang gang” shton se e ka kuptuar se është më i forti dhe se nuk kemi parë as 5 përqind të talentit të tij.
Shumë i paqartë në atë që shkruan, duket se kolegët e kanë mërzitur Feron, pasi shprehet se ata nuk kanë pranuar të bashkëpunojnë me të sepse kanë patur frikë se mos u merr talentin.
Megjithatë, sipas tij, tani e tutje ka për t’i lodhur të gjithë me muzikë.
