Pas një qetësie që dukej se po mbizotëronte mes reperëve shqiptarë, kanë nisur sërish betejat virtuale mes tyre. Debati i djeshëm mes Noizy-t dhe Big Kik, ku u përfshin dhe personazhe të tjerë, shkaktoi bujë të madhe në media. Ndërkohë sot ka qenë Majk ai që ju ka hedhur një thumb kolegëve të tij, të cilët me siguri nuk do e kenë pritur fare mirë.
Reperi ka bërë një postim në “Instastory”, duke u shprehur se reperët sot duan të arrijnë majat pa punuar fort.
“Kqyri kta repra t’dobët, jon ka dojn me hip hala pa bo hop, n’kët hip hop”, shkruan Majk.
Majk nuk ia ka adresuar askujt këto fjalë, duke e lënë “diss-in” e tij të hapur.
Kujtojmë se reperi ka qenë në qendër të vëmendjes mediatike kohët e fundit, për shkak të një lidhje të mundshme me Miss Universe Kosova, Blerta Veseli. Për “Iconstyle.al”, Majk foli për herë të parë për marrëdhënien e tij me Blertën, duke u shprehur se ata nuk janë në një lidhje. Reperi tha se lajmet që kanë qarkulluar prej ditësh për ta s’janë të vërteta, por çifti i hodhi sërish benzinë zjarrit 2 ditë më parë.
Si Majk, ashtu edhe Blerta, publikuan story nga i njëjti vend. Më saktë, nga shtëpia e Majk. Me drita të fikura, ambientin e zbukuruar me dritat e festave dhe filma në televizor, ata treguan se kishin kaluar mbrëmjen së bashku dhe kanë shtuar edhe më shumë dyshimet tek fansat.
