Moderatorja e ekranit shqiptar Lei Kraja, ka folur hapur së fundmi në një intervistë ku ka treguar pak më shumë për rrugëtimin e saj në botën e televizionit.
Ajo u shpreh se gjithmonë është ndjerë mirë, madje tha që i kanë ndodhur ta kenë refuzuar edhe shumë futbollistë, por moderatorja nuk ofendohet në këtë aspekt.
“Jam ndjerë gjithmonë mirë, kam marr gjithmonë risqe, kam fatin që kam njerëz me eksperiencë rreth e rrotull. Nuk e lavdëroj veten, sa i përket të ftuarve, i ftoj vet, ua bëj pyetjet vet dhe këtë aspekt e bëj mirë sepse nga ana sociale jam shumë e mirë me njerëzit. Më ka ndodhur që më kanë refuzuar shumë futbollistë, jam bërë e bezdisshme dhe them: ‘ok nëse më refuzojnë, nuk ka gjë, le ta bëjnë’. Është puna e atillë dhe në këtë aspekt nuk ofendohem, nuk e marr personale por vazhdoj të tentoj.”, u shpreh moderatorja.
Mes të tjerash, Lei tregoi dhe personazhin që do të dëshironte të intervistonte.
‘’Adhuroj Elvana Gjatën, do të doja që ta kisha në një moment të jetës në intervistë’’, u shpreh Lei.
Kujtojmë se në një intervistë tjetër para disa ditësh, Kraja tregoi se kur nisi punë në televizion i është dashur të punojë shumë, veçanërisht me mësimin e gjuhës.
