Pak ditë pas lajmit se kantautori i njohur Redon Makashi dhe koreografja Rexhina Çuko janë fejuar bashkë, duket se gjithçka ka marrë fund në lidhjen e tyre. Këtë lajm e ka konfirmuar vetë balerina, e cila ka reaguar për herë të parë, duke sqaruar edhe gjithë historinë, pas publikimit të një fotoje, ku Rexhina u shfaq në krah të Redonit me unazën e fejesës.
Në emisionin “Ftesë në 5” në TCH balerina ka konfirmuar se mes tyre ka pasur një fejesë, por pas publikimit të lajmit nëpër portale, Redoni e ka mohuar diçka të tillë. Ndërsa Çuko konfirmoi se ata tashmë nuk janë më bashkë.
“Kemi qenë bashkë dhe kemi pasur një marrëdhënie shumë të bukur, por fakti që doli videoja ishte një moment lumturie, u nda në portale, më pas pasoi me përgënjeshtrimin e Redonit, të cilin nuk e kuptova pse e bëri. Ai ka pasur arsyet e veta”, tha balerina e cila u shpreh se përgënjeshtrimi që bëri Redoni për fejesën e tyre nuk qëndron.
Mirëpo, së fundmi, ka reaguar edhe Redon Makashi për “Goca dhe Gra”.
“Fejesa është diçka shumë e madhe për mua. Personi që është folur e njoh, por nëse do të kishte diçka do të dilte nga goja ime. U trombetua pak si shumë”, theksoi ai.
Jo vetëm kaq por Redoni u pyet nesë ka qenë në një marrëdhënie pa dashurie.
Moment nga biseda:
Ilda Bejleri: A do të qëndroje në një marrëdhënie pa dashuri?
Redon Makashi: Jo, jo. Nuk ia vlen
Fatma Haxhiu: Ke qenë në një marrëdhënie që të kanë dashur shumë fort, ndërsa ti nuk ke qenë i dashuruar romantikisht me personin?
Redon Makashi: Po ka pasur
Fatma Haxhiu: Si ia ke thënë pa lënduar?
Redon Makashi: Kuptohet marrëdhënia, ftohet.
