Bardhi është një ndër këngëtarët më të dashur të momentit. Së fundmi, ai ka qenë i ftuar në programin “Zemër Luana”. Gjatë një sfide, ai është pyetur: “Bardhi kohët e fundit ti je bërë pjesë e industrisë së showbizit duke parë nga afër çfarë ndodh dhe si janë yjet shqiptarë të showbizit. Na thuaj sonte një emër personazhi VIP që të ka shokuar për keq, si edhe personazhin VIP shqiptar që të ka shokuar për mirë!”
Por si u përgjigj këngëtari? Ai theksoi se Zuna e ka shokuar për keq pasi i ka anuluar një xhirim në moment të fundit. Bardhi zbuloi se duhej të shkonin në Dubai për xhirimet mirëpo nuk ndodhi kjo gjë për shkak të anulimit.
Nga ana tjetër, ai foli për Azet, të cilin e konsideroi si një reper që e ka shokuar për mirë.
Kujtojmë se Azeti është reper shqiptar me famë ndërkombëtare, që në fakt është edhe mik shumë i ngushtë me Zunën.
Më herët, Bardhi është shënjeshtruar nga ndjekësit për veshjen e tij të njëjtë në disa evente të ndryshme.
Mirëpo, më herët, ai reagoi duke bërë me dije se synimi i tij nuk është të blejë veshje të shtrenjta, por paratë që fiton t’i ndajë me familjen.
“INFO : Ti qe e ke postuar këtë po ta bëj qejfin vendosa me t’i thënë disa fjalë! Mos mendo që me më përulur mua ose karrierën time pse e kam pas njëjtën veshje nje emision dhe një dasmën e një shokut tim. Unë nuk vi nga familje e milionerave dhe s’jam milioner ! Nuk besoj qe kam ndez prej rrobave se me një triko 10 € në videon time te pare “BETOHEM” e kam pas veshur! Po unë njihem për zërin tim respektin ndaj çdo njërit që m’ka bërë suport. Paratë qe i fitoj normal që nuk i kam ndarë me blerë 10.000 € rroba po ua kam nda nënës edhe babit për me bërë ndonjë shpi etj. Veç desha me t’u pergjigj se nuk ke fitu kurgjë me këtë video qe je munduar me më ofenduar se ti spaku as ftyrën as veshjen se ke treguar po kulturën. I pasur jam përderisa familja ime i ka krejt të mirat e zotit që ai ma ka dhuruar mua me iu ndihmuar. Edhe një gjë mos e harro multimilioner me qenë s’kam me e jetu jetën e milionerit kur e di qe veni jonë është shumë i varfër edhe çohem dhe flej me një rreth të tillë,”-ka shkruar Bardhi.
