Greta Koçi konfirmoi se vijon të jetë beqare gjatë intervistës me moderatorin Ermal Mamaqi në emisionin “Xing me Ermalin”. Sipas saj, është më mirë të jesh vetëm, sesa në një lidhje të gabuar. E për këtë arsye, nuk thotë “Po” shumë lehtë!
Gjatë emisionit, ajo rrëfeu edhe se njëri nga futbollistët e Kombëtares shqiptare e kishte ngacmuar në “Instagram”, por këngëtarja e kishte refuzuar. Duke ruajtuar privatësinë e futbollistit, Greta tregoi se ai i kishte shkruar një natë rreth orës 22:30 të mbrëmjes mesazhin: “Hey jam në Tiranë unë, do vish këtu?”.
“Më shkruajti dhe më uroi për një këngë që kisha nxjerrë. Unë meqë e pashë, ishte person publik, i thashë faleminderit dhe u mbyll ajo bisedë. Pas një muaji, ora 10 e gjysmë, 11 e natës. Kam disa momente që jam në formë dhe mund të kthej përgjigje, ka disa momente që nuk dua. Atë natë qëlloi që unë isha në formë dhe thashë po i jap një mësim këtij zotërisë që të kuptojë që jo të gjitha janë njësoj. ‘Hej’, më shkruajti pa emër, as përshëndetje, ma hoqi dhe emrin. ‘Unë kam ardhur në Tiranë’, tha, direkt pa thënë as ‘si je’.” – tregoi këngëtarja shqiptare.
Greta rrëfeu se kishte mbetur e shtangur nga ky komunikim, por duke qënë se ishte në humor të mirë, nuk e kishte lënë pa i dhënë përgjigjen që ai meritonte.
“‘Po shumë mirë ke bërë, Tirana është e të gjithëve’, i thashë unë. ‘Po ja mendova meqë jam këtu, a po vjen ti këtu’, tha. ‘Pse të vij unë aty ku je ti? Ke nevojë për ndonjë ambulancë? Je i sëmurë? Të është prish makina të njoftoj policinë?’, i thashë. Ai shtangu dhe për 2-3 orë s’më ktheu përgjigje. Pastaj më ktheu përgjigje dhe tha: ‘Më fal se mos ndoshta jemi keqkuptuar por nuk e kisha në sensin e keq”, tregoi Greta.
Menjëherë Ermal Mamaqi, komentoi situatën duke ngritur hipoteza se ky lojëtar i Kombëtares shqiptare duhet të jetë patjetër sulmues!
