Një rast dhune në familje u raportua dy ditë më parë në qytetin e Lezhës, ku një nuse u tha se kishte dhunuar vjehrrin e saj.
Valentina Pemaj, nusja që u akuzua për dhunë ndaj vjehrrit, ka treguar se historia qëndron ndryshe dhe se ka qenë ajo viktimë e dhunës së këtij të fundit.
Në intervistën e saj për ABC News, ajo tregoi se vjehrri ushtronte dhunë sistematike në familje, dhe më pas akuzonte të tjerët si shkaktarë.
Akuzat e saj shkojnë deri aty sa vjehrri, sipas Valentinës ka tentuar ta fusë në burg atë dhe të birin, bashkëshortin e saj.
“Desha të bëj edhe një thirrje për të gjitha gratë, jemi në përgjegjësi të paarsimuara. Edhe unë jam martuar 16-vjeçe dhe gjithmonë ka qenë ajo ideja që gruaja duhet të jetë e përulur. Por nuk është turp të denoncosh dikë. Sepse nesër prej një njeriu të zakonshëm mund të kthehesh në viktimë. Këtu pa vdekur nuk ta jep kush të drejtën”, përfundon nusja.
Ajo thotë se ka pasur edhe një konfrontim, por ai më pas ka lënë shenja mbi veten në mënyrë që të ngrejë padi ndaj saj, ndërsa shprehet se të njëjtën gjë ka bërë më parë edhe me djalin e tij.
“Ai më ka futur duart në fyt dhe unë e kam shtyrë. Kur kam shkuar te policia, vjehrri im ishte gërvishtur më shumë. Kur e kam denoncuar herën tjetër desh me fut burrin në fyt. Unë e bëra pak se unë i kam thonjtë, por ai është bërë më shumë. Është shoqëri maskiliste. Unë të them të vërtetën. Vjehrra ime është dhunuar disa herë edhe në sytë e fëmijëve të mi”, thotë ajo.
