Rreth 11 muaj më parë prezantuesja më IN e ekraneve shqiptare Fatma Methasani dhe shefi më i njohur Alfio Rrotani u bënë prindër të një djali të cilin e pagëzuan me emrin Noah.
Gjatë këtyre muajve ata na kanë treguar se të dy po e shijojnë shumë këtë ndryshim që i vogli ka sjellë në jetën e tyre, teksa herë pas here ndajnë me ndjekësit foto të ndryshme nga momentet që kalojnë me të birin.
E nëse Fatma i mëson Noahs të vogël si të jetë një djalë i mirë, i kujdesshëm, i sjellshëm e 100 të mira, Alfio po e merr pak me të mira dhe po i tregon se rregullat janë bërë për tu thyer.
Padyshim që jeta e tyre ka ndryshuar totalisht dhe këtë na e ka risjellë në vëmendje edhe një herë Fatma ditën e sotme.
Ajo ka postuar një foto ku shihet teksa pozon në një restorant duke shkruar : “Para”.
Dhe më pas ka postuar një tjetër foto nga i njëjti vend por këtë herë pjesë e fotos është edhe Noah, i cili shihet tek merr një pjatë dhe Fatma direkt në aksion për të parandaluar ndonjë incident.
“Pas” ka shkruar ajo me nota humori.
Ndërkohë, shumë shpejt do të kemi një libër me receta gatimi për fëmijë nga çifti. Sigurisht që recetat i ka në dorë shef Alfio, ndërsa Fatma do të kujdeset për çdo detaj tjetër të rëndësishëm.
View this post on Instagram
Kujtojmë se muajin e kaluar, në ditëlindjen e saj të 26, Fatma mori edhe propozimin e shumëpritur për martesë nga Alfio.
Në një ambient të jashtëm të mbushur me petale trëndafili dhe me një tortë gjigante, Alfio e ka pyetur Fatmën: “A do të martohesh me mua?”.
Ajo i është përgjigjur “Po” para të gjithë të pranishëmve në festë, të cilët duhet të fillojnë pak nga pak të përgatiten për dasmën e çiftit.
