Sara Hoxha ka kujtuar sot të atin e saj, 11 vite pasi ai u nda nga jeta!
Përmes një dedikimi mjaft prekës, trashëgimtarja e “Top Channel” tregon sesi e ka përballuar mungesën e tij në këto vite.
Ajo shprehet se 11 vite më parë iu thye zemra kur i ati u nda nga kjo jetë dhe arriti ta marrë veten duke u bërë nënë e vogëlushit London.
Sara është mjaft mirënjohëse që babai e dërgoi në Londër, duke i dhënë një shans për ta parë jetën pozitivisht.
Ajo ka publikuar një foto nga ceremonia e dasmës, të një karrigeje bosh, e cila qëndron gjithnjë ashtu në çdo festë, me shpresën për ta pasur të atin pranë.
“Këto 11 vitet e fundit të jetës sonë, gjithçka që kemi pasur janë janë karriget boshe me shpresën për t’ju mbajtur këtu të pranishëm. Megjithatë, asnjë nga këto nuk është e nevojshme. Ti je në mendimet e mia çdo mëngjes, çdo herë që shoh djalin tim dhe çdo herë që flas me vëllain e motrat e mia ose nënën time duke dëshiruar që ti të jesh këtu për të na udhëzuar.
11 vjet më parë ti ma theve zemrën në copa dhe vetëm duke u bërë prind mësova sesi t’i bashkoj.
Një gjë për të cilën kam besim është se ti më dërgove mua London duke më dhënë një shans për ta parë jetën në një mënyrë më pozitive. Gjithkush që ka humbur një prind e di që dhimbja do të jetë gjithmonë aty, megjithatë, përfundimisht mëson ta përballosh dhe të jetosh me kujtesën e tyre”.
